-07-02

東網

度蜜月密密造！陳柏宇豪言：休息夠就做

歌手陳柏宇（Jason）與符曉薇（Leanne）於九龍灣國際展貿中心舉行結婚酒會。受訪時，Jason直言心情幾激動，但要忍住眼淚，笑言已習慣忍，期間想不到太多，就一直望向太太，Leanne同樣表示不能思考。問到是否習慣被人稱呼陳太？她透露婚前已被人這樣叫，又會叫Jason做爸爸，因為家中有4隻貓狗。講到爸爸把自己交給Jason時，Leanne說：「爸爸話『交畀你啦，好好照顧佢。』（今朝斟茶畀長輩有冇好感觸？）冇，大家都忍住。」

跳火圈都制

提到接新娘玩遊戲，Jason笑言非常簡單，Leanne亦笑言因此感到失望：「諗住可以玩到佢，但佢哋完全冇感覺。」她表示要一班姊妹要兄弟及Jason吃用香口膠黏住的Wasabi溝鹹竹蜂，Jason笑言幾好味和有點鹹，吞了Wasabi和鹹竹蜂，但香口膠不能吃就沒有吞：「仲有掹手毛，因為着窄腳褲抆唔到腳毛，但啲男仔都冇乜手毛，得一個有。」Leanne再強調很失望，Jason就笑說要捉兄弟來打一身，Leanne說：「佢哋目標係你，你應該跳火圈。」Jason豪言：「簡單啦！為咗你乜都簡單！」至於早上下跪送花，Jason指兄弟姊妹叫到就做，自言接order能力很高。

愛的宣言匿埋講

說到開門利是為8,元，Jason爆Leanne教他分兩封給姊妹：「佢玩佢啲姊妹，我諗住一封，但係咁意啦，講吓價，試吓自己講價能力，本來諗住賭一鋪大細，一係畀多倍，一係唔畀，但最後冇。有個姊妹成日話畀利是，但之後就閂門，要畀條罅我先得?！（難唔倒你？）難唔到，我仲有絕招，就係話趕時間。」問到愛的宣言，Jason表示由他人寫稿，真正的宣言平時經常跟Leanne說：「玩遊戲就開心啲，如果太感觸就控制唔到場面。愛的宣言留番淨係兩個人先講。（畀幾多家用？）啲錢使唔晒就畀晒佢！」Leanne大讚丈夫好乖，之前更給她提款卡，但因為自己經常忘記付房租，就把提款卡歸還：「佢好乖，攞身家畀我袋，每個月就畀番少少零用錢佢使。」

7月4日出發度蜜月

問到今晚婚宴有何Surprise？Jason口震震說沒有，笑言答沒有很尷尬。Leanne就指對方一向沒驚喜，早已接受。Jason自言不會唱歌，Leanne指這天有不少印尼親戚到場：「印尼傳統係啲人會衝上台唱歌，其他人會畀利是佢，仲會送電視同音響，我同香港嘅屋企人講，阻止印尼親戚上台，因為香港冇呢個環節。」他們表示7月4日會出發到夏威夷度蜜月，Jason坦言計劃好，「造人」像做Gym一樣，休息夠就會做：「點都要做幾次！」Leanne笑說：「我會努力?喇！」

記得密密造喇！

玩得好開心！

錫曬老婆仔！

咩玩法？

陳柏宇話為咗老婆，跳火圈都制呀！

佢哋7月4日就出發度蜜月！

---------------------------------

-07-02

東網

咀足半分鐘！陳柏宇簽字後再錫老婆3次

歌手陳柏宇（Jason）與符曉薇（Leanne）於九龍灣國際展貿中心舉行結婚酒會，下午4時，頭戴白紗、手執紅玫瑰的Leanne與爸爸牽手慢慢進場，親友們不停歡呼。Leanne爸爸把女兒交給Jason，一對新人上台，在律師帶領下宣讀誓詞，期間Jason似乎有點緊張，不停望着Leanne。一對花仔花女拿結婚戒指給新人進行交換儀式，完成後Jason揭開Leanne的頭紗，急不及待咀嘴妻子近半分鐘，突然有人大叫轉圈，Jason回頭望向賓客，然後又與Leanne連咀兩次。

嗌搞婚禮好辛苦

由於天氣炎熱，一對新人簽字前先抹汗，簽紙後兩人錫足3次。完成簽字儀式後，Leanne先向賓客說：「好開心今日終於嚟到，喺（籌備結婚）過程（中）我經常發脾氣，大家都好包容。好開心終於結婚，搵得到一個咁夾同咁開心嘅人。」Jason就坦言代表陳生陳太多謝各位來臨：「好多朋友好耐冇見，一次過見到好多朋友，我希望個婚禮唔係只係結婚，而係可以畀朋友聚一聚。」他形容籌備婚禮非常吃力，即使有很多朋友幫手，仍然覺得很辛苦：「好想快啲完，但依家個感覺又完全唔同，所有嘢都值得，希望有個開心同溫馨嘅Party，大家飲多杯，招呼唔到！終於可以講呢句，係屬於我同你（太太）嘅！」然後兩人牽手matchout。

考起司儀

而跟雙方母親合照後，二人繼續錫不停，大晒恩愛，他們一起切結婚蛋糕，Jason笑說：「可唔可以切到底？」連司儀都被他考起，場面搞笑。到拋花球環節，一眾姊妹上前，Leanne甚有心思，準備了一束紅玫瑰，讓一班姊妹分享。

------------------------------------

-07-02

東網

8,開門利是！陳柏宇跪地抱得美人歸

Jason叻仔！

歌手陳柏宇（Jason）跟未婚妻在今日拍拖周年紀念日舉行婚宴，今早新郎哥Jason在一班圈外兄弟陪同下到尖沙嘴一酒店接新娘及向長輩斟茶，Jason被問到玩新郎過程？他接受東網訪問說：「都係嗰啲，食鹹竹蜂、食吓納豆，玩吓行石春路，好普通啫，鹹竹蜂我成日都食。」入到新娘房，Jason還跪地向未婚妻遞上紅玫瑰，非常浪漫，兩人似接吻魚咀過不停，問到開門利是？他大方說：「8,！（嘩！好少！）應該係88,，但我冇咁多。」新娘子Leanne穿上棗紅色露肩裙，頸上戴着閃爆鑽石鏈，雙手戴了幾對龍鳳鈪，兩人在中午吉時出門，新郎哥更兼任柴可夫，親自揸車接Leanne到九展飲宴場地。

---------------------------------------

-07-02

東網

家用畀幾皮？陳柏宇：佢用嚟救濟扶貧

恭喜恭喜！

歌手陳柏宇（Jason）今日（7月2日）迎娶女友符曉薇（Leanne），結束5年愛情長跑。今日接新娘環節中，陳柏宇讀出愛的宣言時，其中一段講到：「家用幾萬閒閒哋，幾萬梗係唔夠佢洗啦，因為我同大家講，佢嗰幾萬蚊唔係自己使?，係用嚟救濟扶貧嘅。」

而玩新郎環節，其中有一項相當驚人，就係有姊妹拎住一碟鹹竹蜂，貼住香口膠同Wasabi上面，唔知最後一班伴郎同新郎哥點應付呢？真係食晒佢？

---------------------------

-07-02

東網

陳柏宇做老襯！排除萬難成功接新娘

恭喜晒！

歌手陳柏宇（Jason)終於做老襯喇！同模特兒女友符曉薇（Leanne）結束5年愛情長跑，喺今日（7月2日)拍拖紀念日舉行婚宴，真係恭喜晒！

繁文縟節Jason當然做到足，朝早更加排除萬難成功接新娘，抱得美人歸。而Leanne嘅好姊妹更加 時間上載一對新人嘅合照上社交網，見到新郎哥Jason同新娘子不若而同露齒一笑，SoSweet！

有人仲留言叫佢哋要三年抱兩，幸福下去，繼續閃爆大家！咁～Jason真係要開行Turbo努力造人喇！